Istanbul Energy Forum ya ku Ajansa Anadoluyê (AA) di hîmayeya Wezareta Vejen û Çavkaniyên Siruştî da li dar dixe, bi temaya sereke ya "Pêşeroja Hevpar, Hedefên Hevpar" va dê sibê dest pê bike.

Forum dê ji welatên cuda wezîr, nûnerên saziyên civaka sivîl, nûnerên saziyên navneteweyî, akademîsyen, mensûbên çapemeniyê û karsazan biezimîne û her wiha di forumê da beşdar dê derfeta diyaloga di asta kurewî da bi dest bixin.

Di rûniştina sereke ya forumê da Serokomar Recep Tayyîp Erdogan, Wezîrê Vejen û Çavkaniyên Siruştî Alparslan Bayraktar, Serokê Ragihandina Serokomariyê Fahrettin Altun û Serokê Lijneya Rêveberiyê û Midûrê Giştî yê AAyê Serdar Karagoz dê biaxivin.

Di Rûniştina Wezîran a bi moderatoriya Wezîr Bayraktar da Wezîrê Vejenê yê Azerbeycanê Parviz Shahbazov, Wezîrê Vejenê yê Bulgaristanê Vladimir Malinov, Wezîrê Karên Derva û Bazirganiyê yê Macaristan Peter Szijjarto, Wezîrê Vejenê yê Moldovayê Victor Parlicov, Wezîrê Petrol û Xazê yê Lîbyayê Khalifa Abdulsadek, Wezîra Vejen û Madenê ya Sirbistanê Dubravka Djedovic Handanovic û Wezîrê Vejenê yê Ozbekistanê Jurabek Mirzamahmudov​​​​​​​ dê wek axêver cih bigirin.

Di forumê da ya ku dê li Navenda Kongreya Stenbolê sibê were lidarxistin, mijarên wekî hedefên herêmî yên sektora vejenê, di pêkanîna ewlehiya erza xaza siruştî da rola Tirkiyeyê, fînansmana veguherîna vejenê dê bên nirxandin û her wiha ji petrolê heya xaza siruştî û ji ewlehiya erzê heya geşedanên teknolojîk gelek sernav dê bên gotûbêjkirin.