Pêşnumayişa îsal a Festîvala Hunera Dijîtal a Stenbolê (IDAF) li Parîsa paytexta Fransayê hat kirin.

IDAFa ku Ajansa Anadoluyê (AA) jê ra "Hevbeşê Ragihandina Global" e bi piştevaniya Wezareta Çand û Geştiyariyê, bi sponsoriya Turk Telekom û PASHAyê va ji aliyê Mezoyê va ket rewacê.

IDAFa ku ewê di meha hezîranê da li Stenbolê ya 5emîn wê bê lidarxistin, li Navenda Çandê ya Balyozxaneya Azerbeycanê ya li Parîsê pêşnumayişa wê hat kirin.

Balyozê Tirkiyeyê yê li Parîsê Yunus Demirer, Balyoza Azerbeycanê ya li Parîsê Leyla Abdullayeva, Rêvebera Nûçeyên Arşîva Dîtbarî ya AAyê Esra Hacioglu, Kurator Samed Karagoz, Serokê Daîreya Projeyan û Danîsana Çandî ya Enstîtuya Yunus Emreyê (YEE) Dr. Omur Karsli, Rêvebera Parîsê ya YEEyê Dudu Keleş, komek rayedarên Tirk û Fransî digel hin hunermendên Tirk û biyanî bi giştî nêzîkî 200 hunerhez beşdarî pêşnumayişê bûn.

Di çalakiyê da pêşangeha solo ya zindî ya yekemîn hunermenda hişê çêkirî ya Azerbeycanê Shushayê jî hat pêşandan.

- IDAF di meha Hezîranê da li Stenbolê ye

IDAF di qada hunerên dijîtal da ji bo hunermendên neteweyî û navneteweyî di warên atolye, panel, pêşandanên dengî û dîtbarî da mazûvaniyê dike.

Di nava Sponsorên IDAFê da yên weke Ajansa Anadoluyê (AA), Turkish AirLines (THY), Zanîngeha Bogaziçiyê, Trendyol Vestel, ArsElectronica Export, Disad, Înstitut Français, Esas Holding, TGS Turkish Ground Services, Meta Yapi, Mayer, Akin Robotics, Node Media Lab, Muzeverse, Fransa Ditib, Istituto Italiano di Cultura, ArtecHouse, On tv, Adinteraction, FH Îletişim, Dewards, Gauss, ARTtv hene.