Di êrîşên ku PKK/YPGya rêxistina terorê li Sûriyeyê dibin ser derdora Bendava Tişrînê ya li ser Çemê Feratê da qadên ku bi deh hezaran sivîl lê dijîn, dibin hedef.

Terorîstên PKK/YPGyî par ji 20ê Berfanbarê vir va li navçeya Minbicê ya li ser Heleba bajarê Sûriyeyê êrîşî derdora Bendava Tişrînê ya li ser Çemê Feratê dike.

Top û guleyên ku terorîst bi çekên giran davêjin, li 10 gundên aliyê rojavayê Bendava Tişrînê tesîreke neyênî li ser jiyana nêzî 50 hezar sivîlan dike.

- Bi hezaran sivîl mecbûrî revîn

Ji ber êrîşên ku PKK/YPGyê birin ser cî û warên sivîlan, bi hezaran niştecihên herêmê ji cî û warên xwe bûn.

Sivîlên mecbûr man ji xeta pevçûnê revîn û xwe spartin herêmên dûr. Sivîl di van rojên dijwar ên zivistanê da ji xizmetên sereke mehrûm dijîn.

Herwiha li herêmê di encama mayinên PKK/YPGyê di êrîşan da bikar anî û çal kirin da hin sivîl hatin kuştin, ji ber ku herêm ewle nîne ekîb nikarin xwe bigihînin cesedên sivîlan da ku defin bikin.

Ji aliyê din va terorîstên PKK/YPGyî ketin gundê eş-Şaşê, ji 150yî zêdetir sivîl dîl girtin. Niştecihên gund jî bêyî ku pêdiviyên xwe yên sereke bi cih bînin, jiyana xwe didomînin.

Li herêmê karesateke mezin qewimî, bi taybetî gundê el-Kişla, el-Hammadat û el-Hac Huseyin​​​​ yên nêzî​​​ xeta eniyê bi tevahî wêran bûn, gundên nêzîk jî xetereyê da ne.

Niştecihên herêmê dixawazin bordûman bê rawestandin û alîkariya însanî bigihînin wan.