Li Xeta Xezeyê ya ku piştî êrîşên artêşa Îsraîlê yên ku ji 7ê Cotmeha 2023yan û vir va dewam kir û paşê agirbest çêbû, di nav 24 saetan da jê 5 ji binê kavilan hatine derxistin, tevahî cinazeyên 9 Filistîniyan rakirin nexweşxaneyan.

Wezareta Tenduristiyê ya Filistînê ya li Xezeyê piştî agirbesta di navbera Îsraîl û Hemasê ya ku di 19yê Çileya Paşîn da çêbû û peymana pevguhertina dîlan hat qebûlkirin, der barê kesên ku di êrîşên artêşa Îsraîlê da hatine kuştin û birîndar bûne da agahiyên nû parve kir.

Di daxuyaniyê da hat gotin di nav 24 saetan da cinazeyên 9 Filistîniyan û 16 birîndar rakirin nexweşxaneyan. Hat gotin ji kuştiyan 5 kes ji binê kavilan hatine derxistin, 4 kes jî di van êrîşên dawîn da hatine kuştin.

Hat destnîşankirin ku li Xeta Xezeyê ji 7ê Cotmeha 2023yan heta 19ê Çileya Paşîn a ku agirbest çêbû û vir va hejmara Filistîniyên ku di êrîşên Îsraîlê da hatine kuştin derket 48 hezar û 467an, hejmara birîndaran jî bû 111 hezar û 913.

Di navbera Îsraîl û Hemasê da her çiqas agirbest çêbibe û peymana pevguhertina dîlan ketibe rewacê jî, Îsraîl li Xezeyê gelek caran agirbestê binpê dike.