Li Xeta Xezeyê ku ji 7ê cotmeha 2023yan pê va êrîşên Îsraîlê lê berdewam in hejmara kuştiyan di 48 saetên dawîn da 92 zêde bûn û gihîşt 51 hezar û 157an.

Wezareta Tenduristiyê ya Filistînê ya li Xezeyê der barê hejmara kesên ku di êrîşên artêşa Îsraîlê da birîndar bûn û hatin kuştin agahî da.

Di daxuyaniyê da hat ragihandin ku di 48 saetên dawîn da 92 kes hatin kuştin û 219 kes jî birîndar bûn.

Hat destnîşankirin ku piştî peymana agirbestê ya di navbera Îsraîl û Hemasê da ya 19ê Çileya Paşîn ku Îsraîlê binpê kiribû, heta niha 1783 Filistînî hatine kuştin û 4 hezar û 683 kes jî birîndar bûne.

Di encama êrîşên Îsraîlê da yên ku ji 7ê cotmeha 2023yan pê va li dijî Xeta Xezeyê dest pê kiribûn heta niha 51 hezar û 157 kes hatine kuştin û 116 hezar û 724 kes jî birîndar bûne.

Tê gotin li Xeta Xezeyê hê jî bi hezaran cinaze di binê kavilan da ne.