Hemasê ragihand ku xebatên navbeynkariyê yên ku Misir û Qeter bi rê va dibin ji bo temamkirina tetbîqkirina peymana agirbestê ya bi Îsraîlê ra û mizakereyên merhaleya duyemîn bidin destpêkirin, dewam dikin.

Ebduletîf el-Kanuyê Berdevkê Hemasê di daxuyaniya xwe da got ku "Hewldanên navbeynkarên Misirî û Qeterî dewam dikin û di mijara destpêkirina mizakereyên merhaleya duyemîn da geşedanên erênî hene."

Kanu destnîşan kir Hemas amade ye ku mizakereyan bidomîne û got ku "Em amade ne ku bi awayekî daxwazûn gelê xwe yê Filistînê pêk bîne bikevin merhaleya duyemîn a mizakereyan. Em duxwazin ji bo ku alîkariya mirovî ya ji bo Xezeyê bê zêdekirin û dorpêçî bê rakirin hewldan bên zêdekirin."

Kanu ragihand ku rayedarên Hemasî li Qahîreyê ji roja înê va bi rayedarên Misrî ra hevdîtin dikin û da zanîn ku ji bo tetbîqkirina encamên lêtkeya Ereban û pêk bînin ku Îsraîl rîayetî mizakereyên merhaleya duyemîn bike li ser mekanîzmayan guftûgo kirin.