Ji ber êrîşên artêşa Îsraîlê yên ku ji 7ê Cotmeha 2023yan û vir va li dijî Xeta Xezeyê didomin, hejmara kesên hatin kuştin di 24 saetên dawîn da 71 zêde bû û derket 52 hezar û 314an.

Di daxuyaniya nivîskî ya Wezareta Tenduristiyê ya li Xezeyê da agahiyên li ser kesên ku ji ber êrîşên artêşa Îsraîlê hatin kuştin û birîndar bûn, hatin parvekirin.

Di daxuyaniyê da hat diyarkirin ku di 24 saetên dawîn da 71 kuştî û 153 birîndar bo nexweşxaneyên li Xezeyê hatin veguhestin.

Dîsa hat balkişandin ku ji 18ê Adarê û vir va ji ber êrîşên artêşa Îsraîlê yên piştî têkbirina agirbesta 19ê Rêbendanê, 2 hezar û 222 Filistînî hatin kuştin û 5 hezar û 751 Filistînî jî birîndar bûn.

Her wiha hat destnîşankirin ku ji ber êrîşên artêşa Îsraîlê yên ku ji 7ê Cotmeha 2023yan û vir va li dijî Xeta Xezeyê didomin, hejmara kesên hatin kuştin derket 52 hezar û 314an û ya birîndaran da jî derket 117 hezar û 792yan.

Tê destnîşankirin ku li Xeta Xezeyê di bin kavilan da hê bi hezaran kuştî hene.