Li navçeya Minbicê ya girêdayî parêzgeha Helebê ya Sûriyeyê, di êrîşa terorê ya bi wesayîta bombebarkirî da li gorî encamên ewil 7 sivîl hatin kuştin û 14 sivîl jî birîndar bûn.

Li Minbica ku bi Operasyona Şefeqa Azadiyê ji rêxistina terorê PKK/YPGyê hat paqijkirin, li biniya bajêr a ji hêla başûr va wesayîta bombebarkirî teqiya.

Ji ber êrîşa terorê li gorî encamên ewil 7 sivîl hatin kuştin û 14 sivîl jî birîndar bûn.

Birîndar bo nexweşxaneyên nêzîk hatin veguhestin û fikar heye ku hejmara kuştiyan zêde bibe.

Hê kesî êrîş nekiriye stûyê xwe, lêbelê hêzên ewlekariya xwecî li ser wê îhtimalê disekinin ku rêxistina terorê PKK/YPGyê êrîş kiriye.

Hêzên Artêşa Neteweyî ya Sûriyeyê bi Operasyona Şefeqa Azadiyê va di 9ê Berfanbara 2024an da Minbic ji rêxistina terorê PKK/YPGyê rizgar kiribû.