Li Xeta Xezeyê ya ku ji 7ê Cotmeha 2023yan vir va di bin êrîşên artêşa Îsraîlê da ye, hejmara kuştiyan derket 41 hezar û 595an.

Di daxuyaniya Wezareta Tenduristiyê ya li Xezeyê da der heqê êrîşên Îsraîlê da yên ku li dijî Xeta Xezeyê 359 roj in didomin, agahî hat dayîn.

Di daxuyaniyê da hat diyarkirin ku di 24 saetên dawîn da di êrîşên Îsraîlê yên dijî Xeta Xezeyê da 9 Filistîniyên din jî hatin kuştin û 41 Filistînî jî birîndar bûn.

Her wiha hat balkişandin ku ji 7ê Cotmehê vir va di êrîşên Îsraîlê da hejmara Filistîniyên hatin kuştin derket 41 hezar û 595an, ya birîndaran jî derket 96 hezar û 251ê.

Dîsa ew yek jî hat destnîşankirin ku hê di bin enqazan da û li devê rêyan cinaze hene, lê ji ber astengkirina hêzên Îsraîlî, ekîbên tenduristiyê û rayedarên parastina sivîl nikarin xwe bigihînin cinazeyan.