Serokomarê Sûriyeyê Ehmed Şara danezana ku hukmên sereke yên destûra berwext destnîşan dike, îmze kir.

Komîteya ku ji hiqûqnas, siyasetnas, endamê hîndekariyê û rojnamegerên Sûriyeyê pêk tê, xebatên xwe kuta kirin û danezana destûra berwext pêşkêşî Şara kir.

Endamên komîteya amadekirina destûra berwext, endamên Konferansa Diyaloga Neteweyî, Serokê Yekîtiya Alimên Sûriyeyê Usame Rifaî û Wezîrê Karên Derva yê Sûriyeyê Esad Hesen Şeybanî beşdarî merasima li Qesra Gel a li Şama paytext bûn.

Dr. Ebdulmehîd el-Awakê siyasetnasê Sûriyeyî yê endamê komîteya amadekirina destûra berwext di merasimê da axivî û der barê danezanê da agahî dan.

Serokomarê Sûriyeyê Şara, danezan wergirt, îmze kir û spasiya komîteyê kir.