Artêşa Îsraîlê di roja duyem a Eyda Remezanê da êrîş birin ser çend herêmên Xeta Xezeyê û di encamê da 20 Filistînî kuştin.

Artêşa Îsraîlê di Eyda Remezanê da jî êrîşên dijî Xeta Xezeyê didomîne.

Li gorî ajansa nûçeyan a Filistînê WAFAyê, artêşa Îsraîlê li bajarê Xan Yûnisê mala malbata "Miqdad" a li kampa Xan Yûnisê bordûman kir. Ji ber êrîşê 4 Filistînî hatin kuştin û gelek kes birîndar bûn.

Li herêma Abasan El-Kebîrayê ya bajêr, mala malbata "en-Necar" hat bordûmankirin û di encamê da 2 Filistînî hatin kuştin.

Li navenda Xan Yûnisê jî artêşa Îsraîlê bi şev malbata Filistîniyê bi navê Kemal Muammer bordûman kir û di encamê da 6 kes hatin kuştin.

Artêşa Îsraîlê li rojavayê bajêr konê Filistîniyên derbederbûyî bordûman kir û di encamê da 2 Filistînî hatin kuştin û kesek jî birîndar bû.

Li naverasta Xezeyê jî artêşa Îsraîlê gundê el-Mesderê kir armanc û di encamê da 3 Filistînî hatin kuştin.

Li herêma Es-Sewarîhayê ya li rojavayê bajaroka Zewayîdeyê artêşa Îsraîlê konê Filistîniyên derbederbûyî bordûman kir û di encamê da kesek hat kuştin û gelek kes jî birîndar bûn.

Li naverasta Xezeyê li Kampa Penaberan Bûreycê, drona artêşa Îsraîlê dibistanek bordûman kir û di encamê da zarokek birîndar bû.

Li bakurê Cibaliyeyê ya li bakurê Xezeyê, balafirên şer ên Îsraîlê, Filistînî kirin armanc û 2 kes hatin kuştin.

Duh di roja eydê ya yekem da ji ber êrîşên artêşa Îsraîlê yên dijî Xezeyê da herî kêm 33 Filistînî hatibûn kuştin.