Li Diyarbekirê perwerdeger û kursiyerên navenda perwerdeya gel, vexwarinên ku di kelekela germa havînê da merivan hênik dikin, li gorî terîfên wan ên resen amade kirin.

Li Diyarbekirê fêkî û zerzewadên li Baxçeyên Hewselê yên di Lîsteya Mîrata Kelepora Cihanê ya UNESCOyê da ye hêşîn dibin, ji bo kesên ku dixwazin di germa havînê da xwe hênik bibin, dibin şêranî û şerbetên tamxweş.

Pisporên metbexê yên ji Midûriyeta Navenda Perwerdeya Gel a Yenişehirê ya ku tamên bajêr ên li ber jibîrbûnê tên pahtin û kelandin û her wiha di metbexa sepanî da jî perwerdeyê dide, şûna vexwarinên gazdar tamên tendurist yên ku mirovan hênik dikin, amade kirin.

Perwerdeger û kursiyeran berek li xwe kirin, derbasî metbexê bûn û her wiha bi fêkî û nebatên şifadar yên wekî wîşne, zebeş, qawûn, tirî, leymûn, reyhan, ava sûsê, qurnefîl, tûreş û belalûkan vexwarinên li gorî terîfên resen amade kirin û pêşkêş kirin.

- Vexwarinên taybet ên cîhanê jî tên amadekirin

Li navendê ji xeynî şerbetên herêmî yên wekî reyhan, ava sûsê, qurnefîl û tûreş vexwarinên taybet ên cîhanê jî tên amadekirin.

Hîndekara xizmetên xwarin û vexwarinê ya navendê Derya Akdag Aykaçê ji nûçegihanê AAyê ra diyar kir ew ji bilî ku balê bikşînin ser tahmên taybet ên Diyarbekirê, perwerdeya xwarin û vexwarinên bijarte yên dinyayê jî didin.

Aykaçê daxuyand ku ew vexwarinên wek ava sûsê, rihan, şilor, lîmonete û şerbeta tûreşan çêdikin û wiha got: "Em hemû fêkiyên xwe diperçiqînin, ava wan derdixin û bi qeşayê va vexwarinên hênik çêdikin."

Diyetîsyena Beşa Dîyet, Xwarin û Vexwarinê ya Nexweşxaneya Fakulteya Tipê ya Zanîngeha Dîcleyê Pinar Suleymanogluyê jî diyar kir ku ji ber zêdebûna germê rêjeya vexwarinê jî zêde dibe.