AGRI (AA) - Navenda Kaşûnê ya Kupkiranê ya li Agiriyê sezon vekir û kaşûnhezan berê xwe dan navendê.

Li navenda kaşûnê ya 2 kîlometre dûrî navenda bajêr e, hefteya çûyî berf ket û pîst ji bo kaşûnê hatin amadekirin. Li navendê 3 pîstên dirêj ên 700 metreyî hene.

Kaşûnhezên ku berê xwe dan navendê, kaşûna ewil a sezonê kirin.

Li navendê her wiha malbatan xwe şiqitand û snowboard kir, zarokan jî bi xizekan xwe şiqitandin û kêf kirin.

Her wisa li navenda ku derfeta kaşûna şevê jî heye, liv û lebata roja ewil bi dronê hat kişandin.

Kaşûnhez Gokhan Polat ji peyamnêrê AAyê ra diyar kir ku ew kêfxweş in ku sezon vebû.

Polat bal kişand ku welatî û zarok li navendê wextê xwe xweş derbas dikin û wiha dewam kir, "Pîsta me ya kaşûnê zehf mezin nîne, lê em zarokan tînin vir û em pêk va ji xwe ra kêfê dikin."