Li Mûşê bi germbûna hewayê ra rêncberan pezê xwe berda çêrê, lê piştî ketina berfê birên pez cardin kirin goman.

Li Mûşê xwedîkirina pez zêde ye û seranserê zivistanê pez di goman da tê xwedîkirin. Bi germbûna hewayê ra rêncberên Mûşî pez berdabûn çêrê.

Lê ji ber ku sê roj in bi navber berf dibare û mêrg û mexel di binê berfê da man, rêncber mecbûr man û berê pez cardin da goman.

Li deverên bilind ên herêmê qalindahiya berfê heta 30 santêmî zêde bûye, berfa ku di nîsanê da ket û sermaya ku çêbû, kar û barên rêncberan zehmet kir.

Li gundên Koprucuk, Alabalik, Guzeldere û Golyaylayê yên ser navçeya Vartoyê berfê nişkê va dayê û rêncber tengasiyê dikişînin. Rêncberên van gundan bi xizekên hespan va gîhê dikişînin û didin heywanên xwe.

Erdal Firatê ku bi rêncberiya pez debara xwe dike, ji nûçegihanê AAyê ra got ku berf û sermayê bi rêncberan tengasî da kişandin.

Firat diyar kir ku di nîsanê da ketina berfê ew metel hiştin û wiha dewam kir:

"Nîsan hat em şa bûn, me heywanên xwe berda çêrê. Cardin berf ket û karê me zehmetir bû. Em niha rojê du danan ser berfê dirungê radixin û pez şîv û taştê dikin. Li gundê me 30 santêm berf ketiye."

Rêncber Yuksel Demir jî got ku her çend ew di nîsanê da bin jî hê bi xizekên hespan va ji pez û berxan ra gîhê dikişînin.