Xirbeyên Aniyê yên li Qersê yên di Lîsteya Mîratên Dinyayê ya UNESCOyê da cî digirin bi berfê nixûmîn.

Ev cihê ku bi salan e li ser sînorê Tirkiye û Ermenistanê mazuvaniya çand û şaristaniyên cuda dike, li navçeya Arpaçayê ye.

Ev der li ser qadeke 100 hektarî hatiye avakirin û di dîrokê da Tirk jî di nav da bi dehan şaristanî lê jiyane, Xiristiyan û Misilman bi salan li kêleka hev jiyane.

Bajarê Aniyê yê ku jê ra dibêjin "Navenda Şaristaniyan", "Bajarê Dinyayê", "Hezardêr" û "Bajarê Çilderî" yek ji wan cihên qedîm ê Qersê ye.

Kesên tên vir mekanên dîrokî yên wek Mizgefta Ebul Menucehr, Katedrala Aniyê û Dêrên Amenaprgîç, Dîkran Honentz û Abugamîr Pahlavuniyê ziyaret dikin.

Piştî ku berf barî ev der bi berfê nixûmî ku niha bi dîmenên zivistanê va mazuvaniya mêvanên xwe dike.

Hîndekarê Zanîngeha Kafkasê û Serokê Vekolînê yê Xirbeyên Aniyê Doç. Dr. Muhammet Arslan got ev der her demsal xweş e û eleqe ji bo vir tê nîşandan, lê zivistanê xweştir e.