MUŞ (AA) - Li Mûşê malbatên ku ji ber revandina zarokên xwe DEM Partiyê berpirsyar dibînin li pêşiya serokatiya bajêr a partiyê çalakiya xwe didomînin.

Malbat her çarşem li pêşiya Serokatiya Bajêr ya DEM Partiyê dicivin û vê hefteyê jî çalakiya wan dewam kir.

Dê û bavan pankartên ku li ser "Em di nobeta ewladan da ne", "Partiya ku gel dixapîne", "Dayik li ber xwe didin" û "Êdî bes e, ji pêsîra me bikevin" nivîsandî vekirin û bangî zarokên xwe kirin ku teslîm bibin.

Ayten Koçhanê ji rojnamevanan ra daxuyand ku 8 sal e çavê wê li rêya kurê wê ye.

Koçhanê got ew ji ber hesreta kurê xwe nikare li ber xwe bide û wiha axivî: "Em tenê dixwazin bigihêjin zarokên xwe. Bila zarokên me bidin. Ev ne doza Kurd û Tirkan e. Heta yek kes jî li çiyê nemîne ez ê çalakiya xwe bidomînim. Ez bangî hemû zarokan dikim, werin teslîm bibin. Dê û bav nikarin li hemberî hesreta we li ber xwe bidin."

Gulbahar Tekerê jî wiha got: "Ez bi salan e li Diyarbekir û Mûşê çalakiyê dikim. Em zarokên xwe dixwazin. Em di eydê da her roj digirîn. Heta yek kes jî li çiyê nemîne em ê çalakiya xwe bidomînin. Em ji wan natirsin, em li her derê çalakiyê dikin."