Li Wanê malbatên ku zarokên wan revandine serê çiyê, vê hefteyê jî çalakiya xwe li pêşiya Serokatiya Bajêr a Partiya Wekheviya Gelan û Demokrasiyê (DEM Partî) domand.

Malbatên ku li Kuçeya Menekşeyê civiyan, bi alayên Tirkiyeyê va heta pêşiya avahiya Serokatiya Bajêr a DEM Partiyê meşiyan.

Malbatan bertek nîşanî PKKya rêxistina terorê û DEM Partiyê dan bangî zarokên xwe kirin ku teslîm bibin.

Gevez Erdînça dayik diyar kir ku kurê wê 10 sal berê revandin serê çiyê û wê ji wê demê vir va tu xeber ji kurê xwe hilnedaye.

Erdînçê diyar kir, heta ku ew bigihêje kurê xwe wê beşdarbûna çalakiyê bidomîne û wiha got, "Li welatê me heq, hiqûq û edalet heye, teslîmî welatê xwe bibe. Dewleta me û artêşên me yên qehreman hene. Ev der axa me ye. Tu li serê çiyê çi dikî? Vegere mala xwe, cem diya xwe."

Mehmet Siddik Çîftçiyê ku ji Hekariyê hat û beşdarî çalakiyê bû jî wiha axivî, "Ez li Diyarbekirê jî beşdarî çalakiyan bûm. Ez ê dev ji vê têkoşînê bernedim. Ez naxwazim ku dê û bav bigirîn. Birayê min ê ku revandin serê çiyê, ji zêhna xwe astengdar bû. Me heta niha xeber jê hilnedaye."