Wezîrê Karên Navxweyî Alî Yerlîkaya ragihand ku di operasyonên "Gurz-39" û "Gurz-40" yên ku 2 hefte ne li 43 bajaran li dijî PKK/KCKya rêxistina terorê dewam dikin da 240 şikbar hatin girtin.

Wezîr Yerlîkaya li ser hesabê xwe yê medyaya civakî der barê operasyonên "Gurz-39" û "Gurz-40" yên ku ji hêla hêzên ewlehiyê û cendirmeyan va hatin kirin da agahî da.

Yerlîkaya ragihand ku di van operasyonên ku 2 hefteyên dawîn da Enqere, Stenbol û Îzmir jî di nav da li 43 bajaran li dijî PKK/KCKya rêxistina terorê hatin kirin da 240 endamên rêxistina terorê hatin girtin.

Wezîr Yerlîkaya got hat tesbîtkirin ku şikbarên ku hatin girtin di nav PKK/KCKya rêxistina terorê da dixebitîn, di nav sazûmaniya ciwanî û îdeolojîk ên rêxistina terorê da bûn, ji rêxistinê ra piştgiriya aboriyê peyda dikirin û bi rêya hesabên medya civakî propagandaya PKK/KCKya rêxistina terorê dikirin.

Yerlîkaya anî ziman ku kesên der barê wan da cezayê girtînê û qeyda lêgerînê hene jî hatin girtin û diyar kir ku di operasyonan da çekên bêruxset, gelek belgeyên rêxistinî û melzemeyên dijîtal hatin bidestxistin.