Wezîrê Karên Navxweyî Ali Yerlikaya ragihand, di operasyonên "Kalkan-30"ê da yên li giştiyê welêt hatin lidarxistin, 51 organîzatorên qaçaxçîtiya koçberan û 1644 koçberên bêdestûr hatin qefaltin.

Wezîr Yerlikaya di daxuyaniya li ser hesabê xwe yê medyaya civakî da diyar kir ku ji bo ewlehî û aramiya welêt ew ê di têkoşîna xwe ya dijî koça bêdestûr û qaçaxçîtiya koçberan da berdewam bin.

Yerlikaya bal kişand ku di operasyonên "Kalkan-30"ê da yên li giştiyê welêt hatin lidarxistin, 11 jê biyanî 51 organîzatorên qaçaxçîtiya koçberan û 1644 koçberên bêdestûr hatin qefaltin û her wiha ji bo koçberên bêdestûr yên hatin tesbîtkirin, miemeleyên paşdaşandina wan hatin destpêkirin.

Yerlikaya her wiha diyar kir, di kontrolên li 5 hezar û 94 cihan da 24 hezar û 400 personel û 7 hezar û 347 ekîban beşdarî kirin û wiha got, "Di operasyonan da 17 otomobîl, 3 tekne yan jî bot, 8 demançeyên bêrûxset û qederek jî madeya hişbirê hatin bidestxistin."

Ülke genelinde düzenlenen “KALKAN-30” operasyonlarında 11’i yabancı uyruklu olmak üzere toplam:
—51 göçmen kaçakçılığı organizatörü ve
—1.644 düzensiz göçmen yakalandı❗️

Ülkemizin huzur ve güvenliği için düzensiz göç ve göçmen kaçakçılığıyla mücadelemizi azim ve karalılıkla… pic.twitter.com/HxGmDeT4Ck

— Ali Yerlikaya (@AliYerlikaya) November 18, 2024