Li Bîngolê otobuseke rêwiyan qulibî, 2 kesan canê xwe ji dest da û 17 kes jî birîndar bûn.

Otobusa bi plaqeya 34 GC 312 ku nasnameya ajovan hê nayê zanîn, bi şev li ser rêbeja Erzirom-Bîngolê li texma gundê Kumbetê ji kontrolê derket û qulibî kêleka rê.

Li ser îxbarê ekîbên Tenduristiya Acil a 112ê û cendirme hatin cihê bûyerê.

Di qezayê da 2 kesan canê xwe ji dest da û 17 kesên birîndar jî rakirin Nexweşxaneya Dewletê ya Karliovayê.

Diyar bû ku yên ku di qezayê da canê xwe ji dest dane Osman Zekî Tuncelê (24) bijîşkê pratîsyen û hevjîna wî Emîne Tuncel (26) a mamoste ye.

Cenazeyê jin û mêr Tuncel piştî û otopsiyê şandin memleketê wan Elezîzê.