Li herêma operasyona Pençe-Kilîtê 17 terorîstên PKKyî hatin berterefkirin
![Li herêma operasyona Pençe-Kilîtê 17 terorîstên PKKyî hatin berterefkirin](https://cdnuploads.aa.com.tr/uploads/Contents/2024/08/12/thumbs_b_c_0e9f790968cd32447eb5502372a07968.jpg?v=141110)
Ankara
ANKARA (AA) - Hat ragihandin ku di operasyona esmanî ya ku li bakurê Iraqê ser herêma operasyona Pençe-Kilîtê hat kirin da 17 terorîstên PKKyî hatin berterefkirin.
Li gor daxuyaniya ku ji Wezareta Parastina Neteweyî hat dayîn, Artêşa Tirkiyeyê ji bo ewlehiya hidûdan û hizûr û ewlehiya herêmê li bakurê Iraqê operasyonên xwe bê navber didomîne.
Di daxuyaniyê da hat destnîşankirin ku Mehmetçîk li herêma Pençe-Kilîtê qehremaniyên mezin dike, li ser eraziyên herî bi talûke û dijwar şikeftên terorîstan îmhe dike, ji bo ku PKKya rêxistina terorê ji herêmê paqij bike têkoşînê dide.
Di daxuyaniyê da wiha hat gotin:
"Li herêma operasyona Pençe-Kilîtê bi operasyona esmanî ya serkeftî va 17 terorîstên PKKyî jî hatin berterefkirin. Ji bo şehîdên me, miletê me, welatê me yê ezîz bê sekn û west em ê bi hemû hêza xwe va têkoşînê bidomînin. Terorîst wê ji berterefbûn û tunebûnê nefilitin."