Li Mersînê 147 polik, 17 hingustîlk û pirtûkeke destnivîs ên ku tê nirxandin berhemên dîrokî ne, hatin desteserkirin û 2 gumanbar hatin binçavkirin.

Li gorî daxuyaniya Fermandariya Cendirmeya Parêzgehê, li navçeyên Silîfke û Akdenîzê, 2 gumanbarên ku tê îdiakirin ji bo berhemên dîrokî bifiroşin li kiryaran digeriyan, hatin girtin.

Di lêgerîna li wesayit û îqametgehên gumanbaran da 147 polik, 17 hingustîlk, pirtûkeke destnivîs û mohrek ên ku tê nirxandin berhemên dîrokî ne, hatin desteserkirin.

Gumanbar hatin binçavkirin û ji bo jêpirsînê ew birin fermandariya cendirmeyê.

Berhem jî bi mebesta vekolînê radestî Rêveberiya Muzeyê ya Mersînê kirin.