Li Sariqamîşa navçeya Qersê ji ber serma û seqemê şebekeya ava vexwarinê qeşa girt.

Li navçeya ku bi şev germahiya hewayê lê daket bi qasî 9 pileyan binê sifirê camên wesayitan qeşa girtin, li serbanan şembelîlk çêbûn.

Ji ber serma û seqemê şebekeya ava vexwarinê ya hinek xanî û kargehan qeşa girt. Ekîbên şaredariyê ava şor a germ berdan nava boriyan û hewl dan avê biherikînin.

Ji esnafan Cahît Gurbuz ji nûçegihanê AAyê ra destnîşan kir ku şevê wan gelekî sar in û got, "Duhê şevê boriyên me yên ava vexwarinê qeşa girtin. Em jî digel ekîbên şaredariyê, ava şor a germ berdidin nava boriyan û hewl didin avê biherikînin.

Ji aliyekî din va ekîb berfa ku ji serbanan dirije kuçe û kolanan li qemyonan bar dikin û derdixin dervayê navçeyê.