Li Stenbolê di operasona dijî kesên ku ji ser malpera înternetê ya bi navê "Payfix"ê di malperên şertgirtinê yên dervayî welêt fealiyetê nîşan didin û bi vê rêbazê malên ku ji sucê bi dest dixin sipî dikin da, 49 kes hatin girtin.

Di lêpirsîna ku Serdozgeriya Komarî ya Stenbolê diajo da hat tesbîtkirin xwedî û kargêrî malpera "Payfix"ê Erkan Kork ji sala 2014an va bi rêya entegrekirina di malperan da rê û derfetê dide ku gelek malperên şertgirtina dereqanûnî li Tirkiyeyê fealiyetê nîşan bidin.

Herwiha hat tesbîtkirin ku gumanbar Kork bi şirketeke bi navê "Troyin Bilişim"ê ketiye nava nava pergala darayî û bi awayî plankirî karê şertgirtina dereqanûnî birêva dibe.

Di lêpirsînê da 49 kesên ku hatin tesbîtkirin têkildarî vî karî ne hatin binçavkirin.

Ji bo 17 xanî, 9 erse, ofîsek, 13 wesayît û hesabên kesane yên gumanbaran û cuzdanên krîpto yên rêvebir û endamên rêxistinê, 23 fîrma û bi tevahî 114 wesayîtên şîrketê û heyîna wan a malî ya bi qasî 6 milyar û 900 milyon lîreyî tedbîr hat dayin.