Starta Tûra Bîsîkletê ya Tirkiyeyê ya Serokomariyê ya 60emîn (TUR 2025) ji hêla Wezîrê Ciwanî û Werzişê Osman Aşkin Bak li Antalyayê hat dayîn.

Tûra Bîsîkletê ya Tirkiyeyê ya Serokomariyê ya ku îsal ji bo cara 60emîn tê lidarxistin û di teqwîma Tûrên Ewropayê ya Yekîtiya Bîsîkletê ya Navneteweyî (UCI) da ye û her wiha yekane pêşbirka bîsîkletê ya Tirkiyeyê ya di kategoriya "ProSeries"ê da ye, bi etaba Antalya-Antalyayê va dest pê kir.

Wezîrê Ciwanî û Werzişê Osman Aşkin Bak, Waliyê Antalyayê Hulusî Şahîn, Midûrê Giştî yê Xizmetên Ciwanî û Werzişê Veli Ozan Çakir û Serokê Federasyona Bîsîkletê ya Tirkiyeyê Emin Muftuoglu beşdarî starta etabê bûn ku li Parqa Ataturkê ya li ser Kolana Konyaaltiyê dest pê kir.

Di etaba ewil a pêşbirkê da bîsîkletvan dê 132 kîlometreyan pedalê bizivirînin û di pêşbirkê da ji 23 tîman 160 werzişvan beşdar in.

Tûra Bîsîkletê ya Tirkiyeyê ya Serokomariyê ya ku îsal ji bo cara 60emîn tê lidarxistin dê 4ê Gulanê roja Yekşemê li Îzmirê bi dawî bibe.