ÎSTANBUL (AA) - Wezareta Karên Derva diyar kir ku daxuyaniya Itamar Ben Gvîrê Wezîrê Ewlehiya Neteweyî ya rastgir a tundraw a Îsraîlê ya der barê li Mescîdê Eqsayê çêkirina sînagogê da "mînakeke gelekî xeternak ê dawîn û nû ya hewldanên Îsraîlê yên ji bo guhertina nasname û statuya Qudsê û mekanên pîroz ên li Qudsê ye."

Wezaretê piştî daxuyaniya Itamar Ben Gvîrê Wezîrê Ewlehiya Neteweyî ya rastgir a tundraw a Îsraîlê ya der barê li Mescîdê Eqsayê çêkirina sînagogê daxuyaniyeke nivîskî da.

Di daxuyaniyê da hat gotin ku "Daxuyaniyên Itamar Ben-Gvîrê Wezîrê Ewlehiya Neteweyî yê Îsraîlê yê der barê li Mescîdê Eqsayê çêkirina sînagogê da mînakeke gelekî xeternak ê dawîn û nû ya hewldanên Îsraîlê yên ji bo guhertina nasname û statuya Qudsê û mekanên pîroz ên li Qudsê ye."

Di daxuyaniyê da hat ragihandin ku ev daxuyanî li alema îslamê bûye sedema înfialê û di nav her kesî da bû sedema fikaran û hat gotin ku "Bi taybetî provokasyonên ku Mescîdê Eqsaya ku yek ji mekanên pîroz misilmanan e hedef digirin li hemû dinyayê hestên misilmanan rencîde dike û dibe sedema rageşiyan."

Di daxuyaniyê da hat destnîşankirin ku êrîşên ku hikûmeta Îsraîlê dijî gelê Filistînê didomîne îstiqrara herêmî û navneteweyî her ku diçe bêtir dixe xetereyê û hat gotin ku "Ji bo rawestandina êrîşkariya Îsraîlê û parastina gelê Filistînê wext hatiye ku civaka navneteweyî bixebite."