Meta wê parvekirinên ku peyva "siyonîst"ê tê da wekî "gotina nefretê" hatiye bikaranîn, rake

 Metaya xwediyê Facebook, Instagram û WhatsAppê ragihand, heke peyva "siyonîst" di meneya "gotina nefret û heqaretê" da were bikaranîn û ev were tesbîtkirin, ev parvekirin wê ji platformên wan werin rakirin.

Li gor daxuyaniya ku ji malpera înternetê ya Metayê hat dayîn, piştî îstişareyan biryar hat dayîn ku der barê bikaranîna peyva "siyonîst" da rêzikname were guherandin.

Di daxuyaniyê da hat gotin, ew ê destûrê nedin ku peyva "siyonîst" di konteksta "bangewaziya tundî" ya li dijî Cihû û Îsraîliyan da were bikaranîn.

Di daxuyaniyê da hat gotin, dema ku peyv bi "tevgera siyasî" têkildar be, ew ê destûrê bidin bikaranîna wê û wiha hat gotin, "Lê heke eleqeya peyva 'siyonîst' bi tevgera siyasî ra tunebe, li dijî Cihû û Îsraîliyan meneya wê ya tundî an jî tirsandinê hebe û bi vê rêyê zirarê bide, ew ê parvekirinan rakin."