ИСТАНБУЛ (АА) - Извозот на Туркије во 2023 година достигна рекордно високо ниво од 255,8 милијарди долари, што е зголемување за 0,6 отсто во однос на претходната година, објави денес турскиот претседател Реџеп Таип Ердоган, јавува Анадолу.

„Бројката ја надмина целта на нашата среднорочна програма од 255 милијарди долари“, истакна Ердоган на собир во Истанбул во врска со прелиминарните податоци за надворешната трговија.

„Соодносот на покриеност на извозот и увозот се зголеми за 0,8 процентни поени во однос на претходната 2022 година достигнувајќи 70,7 отсто во 2023 година“, нагласи Ердоган.

Тој рече дека надворешниот трговски дефицит на земјата се намалил за 3,2 отсто во 2023 година во однос на претходната.

„Освен во јули, нашиот трговски јаз на годишно ниво се намалуваше во последните 7 месеци од 2023 година“, изјави турскиот претседател.

Посочи дека Туркије има за цел да го зголеми извозот на стоки и услуги во 2024 година на над 375 милијарди долари и додаде: „Туркије има повеќе од доволно моќ да ја постигне оваа цел.“

„Турската надворешната политика е фокусирана на Туркије, но има глобална перспектива“

Ердоган, изјави дека турската надворешна политика е фокусирана на Туркије, но има глобална перспектива.

„Ние ја обликувавме нашата надворешна политика со турско ориентирана, но глобална перспектива, и нема враќање назад“, рече Ердоган во говорот во главниот град Анкара, објавувајќи рекордни нови извозни бројки за минатата година.

„Туркије не обрнуваше внимание на воените поттикнувачи кои се обидоа да ја заплеткаат земјата во крвавите конфликти и на север и на југ“, нагласи тој.

„И покрај интервенциите од трети страни кои сугерираат поинаку, ние работевме на зајакнување на нашите односи со нашите соседи, врз основа на победнички пристап“, додаде Ердоган.

„Ги решивме разликите во мислењата што се појавија меѓу нас и некои земји во регионот и ја вративме нашата соработка на ниво каде што треба да биде“, истакна тој, најверојатно мислејќи на подобрите врски со земји како Грција и Египет.

„Додека достигнувавме историски височини во нашите односи со туркискиот свет, ние исто така работевме на развивање на соработката со Европа и САД врз основа на заемно почитување.“

„Односите на Туркије со африканските и латиноамериканските земји веќе постигнаа напредок со преземање нови димензии“, нагласи тој.

„Никогаш не одбивме рака на пријателство подадена кон нашата земја“, рече Ердоган.

„Туркије ќе продолжи да придобива нови пријатели“, додаде турскиот претседател.

Ердоган, исто така, го пренесе своето сочувство до Јапонија, која вчера беше потресена од земјотреси со јачина од 7,6 степени по Рихтер, поради кои има предупредување за цунами и високи бранови, а 48 лица загинаа.