АРТВИН (АА) - Рибари спасија срна од морето во близина на Хопа во турски Артвин, јавува Анадолу.

Рибарите кои ловеле риби во водите на Црното Море забележале срна во брановите.

Тие со рибарска мрежа успеале да ја извадат срната од студените води во чамецот. Потоа срната им била предадена на тимовите од Националните паркови за заштита на природата.

Срната, која била прегледана од ветеринар, потоа е пуштена во шумското подрачје.

Атиф Чичек, еден од рибарите што ја спасија срната, раскажа дека забележале како нешто се движи на површината на морето и тргнале кон него.

„Со помош на пријателите ја извадивме на палубата. Ги известивме Национални паркови. Им ја предадовме срната, а потоа тие ја пуштија во дивината. Среќни сме што ѝ го спасивме животот“, рече Чичек.