СКОПЈЕ (АА) - Во центарот на Скопје започна седмото издание на уличниот уметнички фестивал на живи статуи „Статуафест“, јавува Анадолу.

Под мотото „Голема брзина на стоењето“, бројни артисти изведуваа пред публиката и љубопитните минувачи на улицата и плоштадот „Македонија“.

Организатор на фестивалот е уличната театарска продукција „Театроск“, од каде велат дека мотото на овогодишниот фестивал е да се каже „стоп“ на синдромот на брзо живеење.

Фестивалот е поддржан од Министерството за култура и неколку приватни донатори.