Тим Валц официјално ја прифаќа номинацијата за американски потпретседател на Демократската национална конвенција
- Гувернерот на Минесота, Тим Валц, синоќа официјално ја прифати номинацијата за американски потпретседател, на Демократската национална конвенција во Чикаго, Илиноис
![Тим Валц официјално ја прифаќа номинацијата за американски потпретседател на Демократската национална конвенција](https://cdnuploads.aa.com.tr/uploads/Contents/2024/08/22/thumbs_b_c_c362cd7910d72c11a7743e770ab01a32.jpg?v=123636)
ХЈУСТОН (АА) - Гувернерот на Минесота, Тим Валц, синоќа официјално ја прифати номинацијата за американски потпретседател, на Демократската национална конвенција во Чикаго, Илиноис, јавува Анадолу.
На најголемата сцена од неговата политичка кариера, Валц ги промовираше своите достигнувања за луѓето кои го избраа на функцијата во неговата родна држава.
„Ги намаливме даноците за средната класа. Воведовме платено семејно и медицинскo отсуство, инвестиравме во борбата против криминалот и достапно домување“, рече Валц.
Како поранешен член на Националната гарда на армијата 24 години и професор по социјални студии во средно училиште, Валц беше избран за конгресмен, служеше во Претставничкиот дом на САД 12 години пред да стане гувернер на Минесота.
Валц се опиша себеси како обичен човек, добар сосед и некој кој се бори за народот. Тој рече дека додека „другите држави ги забрануваа книгите во нивните училишта, ние го исфрливме гладот од нашите“.
Тој зборуваше за својот живот, растењето во мал град во Небраска, каде што соседите добро се сложувале и покрај нивните разлики, неговото пријавување во Националната гарда кога имал само 17 години и служењето 24 години, а потоа работел како учител и тренер, пред да почне да се занимава со политика.
Валц се опиша себеси како обичен човек, добар сосед и некој кој се бори за народот.
За време на говорот, тој зазеде силен став за заострување на федералните закони за контрола на оружјето, истакнувајќи дека сите деца треба да имаат „слобода да одат на училиште без да се грижат дали ќе бидат застрелани во салата“.
Валц го заврши говорот со тоа што ги повика и демократите и независните да гласаат за Харис - Валц на претседателските избори на 5 ноември.
„Така ќе ја свртиме страницата на Доналд Трамп. Така ќе изградиме земја во која работниците се на прво место, а здравствената заштита и домувањето се човекови права“, рече Валц.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.