АНКАРА (АА) - Најмалку уште 23 Палестинци беа убиени во немилосрдните израелски напади во Појасот Газа, со што вкупниот биланс на загинати од 7 октомври минатата година се искачи на 41.638, соопшти денес Министерството за здравство во енклавата разурната од војна, јавува Анадолу.

Во соопштението на Министерството се додава дека околу 96.460 други се повредени во тековниот напад.

„Израелските сили убија 23 лица и повредија 101 во четири 'масакри' на семејства во последните 24 часа“, соопшти Министерството.

„Многу луѓе сè уште се заробени под урнатините и на патиштата бидејќи спасувачите не можат да дојдат до нив“, се додава.

Израел ја продолжи својата брутална офанзива врз Појасот Газа по нападот на палестинската група Хамас минатиот 7 октомври, и покрај резолуцијата на Советот за безбедност на ОН која повикува на итен прекин на огнот.

Израелскиот напад го расели речиси целото население на територијата поради тековната блокада што доведе до сериозен недостиг на храна, чиста вода и лекови.

Израел се соочува со обвинувања за геноцид пред Меѓународниот суд на правдата за неговите постапки во Газа.