АТИНА (АА) – Вулканска ерупција на полуостровот Рејкјанес на Исланд би можела да се случи во секој момент, предупреди геофизичар за локалните медиуми денес, јавува Анадолу.

Времето за предупредување се очекува да биде кратко, а ерупцијата би можела да биде голема, изјави Фрејстејн Сигмундсон за јавниот сервис РУВ.

Тој додаде дека ерупцијата е неизбежна и научниците предвидуваат дека ќе се случи до крајот на месецот.

„Сега има поголема неизвесност во оваа прогноза во однос на тоа кога точно ќе се случи следната ерупција бидејќи промените се побавни“, нагласи Сигмундсон.

Регионот околу кратерот Сундхнукур, во југозападниот дел на Исланд, забележал зголемена сеизмичка активност, со седум мали земјотреси регистрирани во последните 24 часа.

Во период меѓу декември 2023 и декември 2024 година во областа имаше серија вулкански ерупции што, иако беа локализирани, предизвикаа значителни нарушувања.

Градот Гриндавик, кој има над 3.500 жители, беше особено погоден.

Владата ја стави областа на ниво на значителен и висок ризик до 18 март, при што Гриндавик е изложен на опасност од истекување на лава, загаденост, пропаѓање на почвата и расед.