ТОКИО (АА) - Земјотрес со интензитет од 4,9 степени ја потресе јапонската префектура Фукушима која се наоѓа во североисточниот дел на земјата, пренесува Агенција Анадолија (АА).

Јапонската Агенција за метеорологија објави дека е регистриран земјотрес со интензитет од 4,9 степени со епицентар на отворено море наспроти градот Ишиномаки во префектурата Фукушима.

Земјотресот што се случи во 10:01 часот по локално време, бил на длабочина од 50 километри. По потресот во подрачјето не е дадено предупредување од можен „голем бран“.

Земјотресот се почувствувал и во префектурите Мијаги, Ивате, Јамагата и Ибараки.