АНКАРА (АА) - Силен земјотрес со магнитуда од 6,5 степени го погоди јужниот дел на Филипините, објавија денес локалните медиуми, пренесува Анадолу.

Земјотресот се случил недалеку од брегот на градот Лингиг во провинцијата Суригао дел Сур во Минданао во 6:23 часот денес по локално време, објави Инквајарер.нет.

Според филипинскиот Институт за вулканологија и сеизмологија, земјотресот бил на длабочина од 10 километри и е регистриран со интензитет V во Хинатуан, Суригао дел Сур.

Нема информации за жртви или причинета материјална штета.