Извештај: Зголемена нелегалната миграција во Европа во 2023 година, Германија главна дестинација
- Нелегалните миграции во Европа значително се зголемија минатата година, а Германија остана главна дестинација, објави денес Федералната канцеларија за криминалистичка полиција.
![Извештај: Зголемена нелегалната миграција во Европа во 2023 година, Германија главна дестинација](https://cdnuploads.aa.com.tr/uploads/Contents/2024/08/21/thumbs_b_c_5d3bd2ee6d4d35d8369d6470bd8189a2.jpg?v=171357)
БЕРЛИН (АА) - Нелегалните миграции во Европа значително се зголемија минатата година, а Германија остана главна дестинација, објави денес Федералната канцеларија за криминалистичка полиција, јавува Анадолу.
Според последните официјални податоци, бројот на нелегални преминувања на надворешните граници на Европската Унија (ЕУ) од 326.300 се зголемил на 380.200, а тоа е најголем број од 2016 година.
Во Германија, Федералната канцеларија за криминалистичка полиција (БКА) регистрирала 266.224 случаи на нелегален влез и престој во 2023 година, што претставува зголемување за повеќе од 33 отсто во споредба со претходната година. Голем број од нерегуларните мигранти биле баратели на азил од Сирија и Авганистан.
„Во многу случаи овие нелегални влегувања во Германија беа олеснети со трговија со луѓе“, се наведува во извештајот на БКА.
Од шверцуваните во Германија, речиси 42 отсто доаѓаат од Полска, 29 отсто од Австрија и 22 отсто од Чешка. Повеќето од нив патувале пешки (37 отсто), со мали комбиња (26 отсто) или со автомобил (24 отсто).
Коалициската Влада на германскиот канцелар Олаф Шолц е под притисок на опозициските партии да се справи со нерегуларната миграција бидејќи локалните власти се жалат дека се соочуваат со криза во обезбедувањето сместување и социјална поддршка за новодојдените мигранти.
Екстремно десничарската партија АфД, базирана врз антиимиграциска платформа, забележа пораст на популарноста пред клучните регионални избори што ќе се одржат следниот месец во три источни германски покраини. Според последните анкети, АфД е на пат да дојде на врвот во Тирингија и Бранденбург, а тесна трка со демохристијаните се предвидува во Саксонија.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.