свет

Се зголемува бројката на жртви од експлозијата во хотел на Куба: Загинаа најмалку 32 лица

- Уште најмалку 80 лица се повредени, а спасувачките екипи трагаат по најмалку 19 исчезнати во експлозијата што се случи во петокот во старото градско јадро на Хавана

Sinan Doğan  | 08.05.2022 - Обновена : 09.05.2022
Се зголемува бројката на жртви од експлозијата во хотел на Куба: Загинаа најмалку 32 лица Фото: Јандер Замора / АА

БОГОТА (АА) - Најмалку 32 лица ги загубија животите, а 80 се повредени во експлозијата што во петокот се случи во хотелот „Саратога“ во Хавана, главниот град на Куба, известува Агенција Анадолија (АА).

„Меѓу повредените 10 лица се во животна опасност. Акциите за потрага и спасување продолжуваат во хотелот“, соопшти Министерството за здравство на Куба.

Локалните медиуми известуваат дека се трага по уште најмалку 19 исчезнати лица.

Кубанската Влада претходно објави дека најверојатно причина за експлозијата е протекување гас во текот на работата на инсталацијата во хотелот.

Претседателот на Куба, Мигуел Диаз Канел, при посетата на местото на несреќата изјави дека случајот не е поврзан со тероризам.

Експлозијата се случи во петокот околу пладне во хотелот „Саратога“, во стариот дел на Хавана.

Станува збор за хотел со 5 ѕвездички изграден во 1880 година и кој работи од 1933 година.

Хотелот „Саратога“ беше затворен 2 години поради пандемијата на Ковид-19 и требаше повторно да биде отворен на 10 мај.

На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.