РИМ (АА) - Американскиот претседател Доналд Трамп во Ватикан се сретна со украинскиот претседател Владимир Зеленски пред погребната церемонија на папата Франциск, духовниот водач на католиците и поглавар на Ватикан, известува Анадолу.

Директорот за комуникации на Белата куќа, Стивен Чунг, потврди дека Трамп се сретнал со Зеленски пред погребот.

Истакнувајќи дека двајцата претседатели се сретнале приватно и имале продуктивна дискусија, Чунг рече дека деталите од состанокот ќе бидат дополнително објавени.

Во изјава за украинскиот печат Сергеј Никифоров, портпаролот на украинскиот претседател, изјави: „Се одржа состанок и тој заврши“.

Портпаролот Никифоров не даде детали за средбата.