Шпанија: Петмина починати од вирусот Западен Нил последниот месец во Севиља
- Во градот Севиља во Јужна Шпанија бројот на починати од вирусот Западен Нил во последниот месец се зголеми на пет
![Шпанија: Петмина починати од вирусот Западен Нил последниот месец во Севиља](https://cdnuploads.aa.com.tr/uploads/Contents/2024/08/27/thumbs_b_c_1eb7f15a3238cb85df8db4d3c31d07eb.jpg?v=115458)
МАДРИД (АА) - Во градот Севиља во Јужна Шпанија бројот на починати од вирусот Западен Нил во последниот месец се зголеми на пет, известува Анадолу.
Врз основа на информациите што Министерството за здравство на Автономната влада на Андалузија ги достави до медиумите, уште две лица починале од вирусот Западен Нил во градот Корија дел Рио, во подрачјето на Севиља, со што бројот на починати од овој вирус во регионот последниот месец се зголеми на пет.
Министерството истакна дека вирусот Западен Нил досега е откриен кај 10 лица во градовите Дос Херманас, Лос Паласиос, Вилафранка, Корија дел Рио, Герена и Кармона во регионот Севиља, од кои пет починале, три се отпуштени од болница, а во тек е лекување на две лица.
Во соопштението се наведува дека четворица од починатите биле на возраст од 71 до 87 години.
Автономната влада на Андалузија објави дека кај 40 луѓе е дијагностициран вирусот Западен Нил во текот на 2024 година.
Поради фактот дека овој вирус особено се пренесува со каснување од комарци, андалузиската автономна администрација ги заостри своите контроли околу Гвадалкивир, најголемата река што минува низ Севиља и ги советува луѓето од регионот да преземат мерки против комарците.
На веб страницата на Anadolu Agency (AA) објавена е само дел од содржината на вестите од Системот на проток на вести (HAS). За целосната содржина на вестите ве молиме контактирајте нè за претплата.