Министерот за надворешни работи на Туркије Фидан во Дамаск одржа заедничка прес-конференција со лидерот на новата сириска влада, Ахмед ал-Шара во Дамаск, известува Анадолу.

Во својот воведен говор министерот Фидан рече:

„Ви ги пренесувам поздравите на турскиот народ. Ви ги пренесувам најубавите желби и поздрави на нашиот претседател г-дин Реџеп Таип Ердоган. 14 години вашата радост беше наша радост, вашата тага беше наша тага. Законот за братство и соседство тоа го налагаше. Денес, како Туркије, со право сме горди што сме на вистинската страна на историјата.“

Драги мои браќа и сестри, се надевам дека најтешкиот и најтемниот период за вашата земја е зад нас. Сѐ надеваме дека нѐ чекаат подобри денови.“

Шефот на турската дипломатија Фидан рече турскиот народ, турската држава и претседателот Ердоган, секогаш ќе бидат покрај Сирија.

Во врска со територијалниот интегритет на Сирија, министерот Фидан истакна:

„Ова не е период за чекање. Мораме да преземеме акција. За територијалниот интегритет не може да се преговара. Би сакале уште еднаш да кажеме дека нема место за ПКК/ЈПГ во Сирија“.

Министерот Фидан се осврна и на континуираните израелски напади врз Сирија, потенцирајќи:

„Апсолутно е неприфатливо да се толерира Израел да ја искористи моменталната ситуација и да ја узурпира сириската територија.“

Ахмед ал-Шара, лидерот на новата администрација во Сирија, во своето обраќање на прес-конференцијата истакна:

„Пријателската земја Туркије стои покрај сирискиот народ од почетокот на револуцијата.“

За ситуацијата во земјата и дејствувањето на различни терористички и вооружени групи во Сирија, ал-Шара посочи: „Неприфатливо е некоја група да е вооружена во областите под наша контрола или во областите под контрола на ПКК/ЈПГ“