Nerazîbûnên li hemberî biryara Amerîkayê ya der heqê Qudsê da

TORONTO

Li bajarê Toronto yê Kanadayê bi hezaran kesî biryara naskirina Qudsê wekî "paytexta Îsraîlê" ya Serokê Amerîkayê Donald Trump, protesto kirin.

Bi hezaran kesî di pankart û dovîzên xwe da biryara Trump şermezar kirin û herwiha heya nêzîkê Konsolosxaneya Amerîkayê ya li navenda bajêr meşiyan.

Kesên ku beşdarî xwepêşandanê bûn ligel dovîzên bo piştevaniya Filistînê, alaya Tirkiyeyê û posterên Serokomar Recep Tayyîp Erdogan jî bilind kirin.

Beşdarvanên xwepêşandanê yên ku axivîn, destnîşan kirin ku biryara Trump, gelek biryarên NYyê binpê dike û herwiha berevajiyê mafên mirovan û hiqûqê ye.

Ligel misilmanên kanadayî, welatiyên ku bi eslê xwe ji Îspanya, Bolîvya, Kuba û Kolombiyayê ne jî piştgirî dan xwepêşandanê.

Di vê navberê da Komeleya Xwedekarên Sosyalîst, Partiya Komunîst a Kanadayê, hin komeleyên cihû û nûnerên hin dêran jî beşdarî xwepêşandanê bûn.