Paşînyan Sererkanê Ermenistanê Gasparyan ji peywir hilda

Serokwezîrê Ermenistan Nîkol Paşînyan ragihand ku Sererkan Onîk Gasparyan ji wezîfeyê hilda.

Paşînyan piştî bangewaziya artêşa Ermenistanê ya ji bo îstifaya wî ji ser Facebookê weşana zindî kir û axivî.

Paşînyan di axaftina xwe da bangî piştgirên xwe kir ku dakevin kolanan û got ku "Em divê şoreşê biparêzin. Em di rewşeke gelekî dijwar da ne. Min biryar da ku Sererkan ji peywirê hildim. Niha peywira herî girîng parastina îqtidara sivîlan û gel e."

Paşînyan qise kir ku berpirsyariya der barê mexlûbiyeta Ermenistanê ya li Qerebaxa Çiyayî hildide ser xwe û got ku "Hin pirsên gel ji bo rayedarên payebilind ên artêşê hene û nikarin ji van pirsan birevin."