Rojhilatê Anadoluyê di sînordarkirina derketina derva da bêdeng e

Li Herêma Rojhilatê Anadoluyê ji ber sînordarkirina derketina derva ya di çarçoveya tedbîrên cureya nû ya vîrusa koronayê (Kovîd-19) da kuçe û kolan bêdeng in.

Li gorî çavdêriyê, li Erzirom, Erzingan, Qers, Tuncelî, Agirî, Erdexan û Îdirê welatî pabendî sînordarkirina derketina derva dibin.

Li parêzgehên ku kuçe, kolan û meydan xalî man, hêzên ewlekariyê li ciyên ketin û derketina bajêr, kolanên sereke û xalên diyarkirî kontrolên xwe pêk anîn.

Ekîbên polêsan nasname û belgeyên kesên ku derketin derva kontrol kirin û destûr da ku derbas bin.

Her wiha li parêzgehên herêmê ji ber sînordarkirinê sibehê zû trafîqa wesayîtan jî di asta nizim da ye.