Vê heftê li herêmên rojavayê welêt wê baran bibare

Li Tirkiyeyê vê heftê li herêmên rojavayê welêt wê baran bibare.

Pisporê Texmîna Hewayê ya Midûriyeta Giştî ya Meteorolojiyê ya Wezareta Hawirdor, Bajarvanî û Guherîna Av û Hewayê Abdullah Macît der barê rewşa hewayê ya vê hefteyê tê pêşbînîkirin da agahî da nûçegihanê AAyê.

Macît ragihand ku sibê li peravên Behra Reş û Rojhilatê Anadoluyê û roja pêncşemê jî li peravên Behra Reş a Rojhilat û bakurê rojhilat ê Rojhilatê Anadoluyê barana gur tê payîn.

Macît got roja pêncşemê danê êvarê pê va rewşa baranê ya nû wê li welêt pêk bê û wiha axivî: "Roja pêncşemê em li bendê ne ku li rojavayê Marmarayê û peravên Bakurê Egeyê, roja înê li Marmara, Ege û Rojavayê Behra Spî û roja şemiyê jî li Marmara, Ege, Rojavayê Behra Spî û rojavayê Anadoluya Navîn barana gur û tavî wê bibare."