"Herema Şerîf namûs û rûmeta alema îslamê ye"

ÎSTANBUL

Serokomar Recep Tayyîp Erdogan got: "Herema Şerîf a li Qudsê bi tenê ya filistîniyan nîne, ji bo alema îslamê ya 1,7 milyarî rûmet, namûs û cihê pîroz ê."

Serokomar Erdogan beriya biçe Erebistana Siûdî li Balafirgeha Ataturkê civîna çapemeniyê lidar xist û der heqê rojevê da axivî.

Serokê Giştî yê AK Partiyê û Serokomar Erdogan pirsgirêka di navbera welatên Korfezê da qewimîn û hê jî didome nirxand û wiha pê da çû: "Bi çi awayî ddibe û bira bibe, ne dirust e ku di navbera birayên me yên Korfezê da pirsgirêk û tengasî derkevin, em ji ber bûyerên dawîn jî pir xemgîn bûn. Divê em misilman îro ji her wextê zêdetir mil bidin hev û alîkariya hev bikin. Tengasî û êşa ku li Sûriye, Iraq, Lîbya û Filistînê didome, li ber çavan e. Mixabin her roj pirsgirêk li hev zêde dibin. Bûyerên ku li ber çavê hemû dinyayê li Mescida Eqsayê didome, mînakek ji van pirsgirêkan e. Bi taybetî bûyerên ku ev çend roj in li dijî Mescida Eqsayê didomin, alema îslamê xemgîn dike. Harema Şerîf a li Qudsê ne tenê ya filistîniyan e, rûmet, namûs û cihê pîroz ê 1,7 milyar alema îslamê ye. Astengiyên li ser Harema Şerîf û binpêkirina rûmeta misilmanan, nabe ku alema îslamê bê bertek bimîne. Ji bo nimûne welatê me bertekeke xurt nîşan da."

Serokomar Erdogan ji ber tevgerên Îsraîlê yên li hemberî Mescîda Eqsayê û filistinîyan jî got:"Ez îro wekî Serokê Serdemê yê Zîrweya Rêxistina Hevkariya Îslamî cardin ji rêvebiriya Îsraîlê re dibêjim li gorî hiqûq, nirxên însanî tevbigerin. Dixwazim cardin bibêjim ku ji avêtina gavên ku rageşiya li herêmê zêde dike dûr bisekinin. Tirkiyeyê çawa ku duh piştgirî dida Filistînê wê îro jî piştgiriyê bide têkoşîna ji bo azadî û edaletê ya birayên me yên filistînî."

Di axaftina xwe da Serokomar Erdogan bal kişand ser maf û azadiyan û wiha pê da çû: "Lî Qudsê bînpêkirina mafan nayê wê meneyê ku misilman jî divê mafên kesên din binpê bikin. Bertek divê li gor hiqûqê û bisînor bin. Di şaristaniya me de dest navêjin îbadetxane û azadiya îbadetê ya mirovên ku ji dînên din in. Bi vê nêrînê va em hewleke mezin didin ku ragêşiya li Qudsê bilez dawî bibe û li der û dora Mescîda Eqsayê car din aramî pêk bê."

Serokomar Erdogan welatên derva yên ku tevlî kar û barên welatên din dibin rexne kir û axaftina xwe wiha domand: "Erka kesî tune ku tevlî karên navxweyî yên Tirkiyeya ku dewleteke demokratîk, sosyal û hiqûqê ye, bibe. Herwisa erka kesî tuneye, gavên ku di çarçoveya pêvajoya ewlekarî û darazê da hatine avêtin, bavêje. Li hemberî kesên ku li nava Tirkiyeyê sîxurtî û provakatoriyê dikin, heta li hemberî wan kesên ku hewl didin vê yekê ji ser servîsên xwe yên dîplomatîk ra bidomînin, helbet Dewleta Komara Tirkiyeyê jî çi ji dest tê, wê bike."

Tevgerên hin siyasetmedarên Almanyayê yên di mijara FETOyê ya li hemberî Tirkiyeyê da jî di rojeva Serokomar da cih girt û ji bo vê yekê jî got:"Gelek mensûbên FETOya rêxistina terorê ya ku li dijî Dewleta Komara Tirkiyeyê hewla derbeyê kir niha li Almanyayê rihet digerin. Navê wan hatin dayîn. Di navbera me û wan da ji bo îadekirina bersûcan peyman heye; lê digel vê yekê ew bersûc îadeyî me nayên kirin. Hûn hergav dibêjin yek ji wan bi şertê girtî dudo ji wan li vir in, yê din jî niha qewlê wan ê binçavkirinê tijî nebûye, bi qasî ku em zanin, hûnê rabin bi wan bixwazin Tirkiyeyê bikin nav tengasiyê, tiştek wisa tuneye. Tirkiye li vê derê şert û mercên darazê çibe di wê çarçoveyê da pêvajoya darazê birêve dibe; lê li Almanyayê ew kesên di nav siyasetê da ne dema rabin û ji bo hilbijartina ku wê di cotmehê da bê kirin tevlî tiştên wiha bibin û ji xwe ra bazarê çêbikin, ew yek qet me eleqedar nake. Ew tiştek dine û ev jî tiştekî dine."

"Heval divê hevdu nexapînin"

Fermandarê Hêzên Taybet ên DYAyê Orgeneral Thomas diyar kiribû ji ber ku Tirkiye, YPGyê wekî girêdayî PKKyê dibîne, wan pêşniyar li YPGyê kir ku navê xwe biguherîne. Li ser vê, rêxistinê jî navê xwe wekî "Hêzên Sûriyeya Demokratîk" guherand. Ev yek jî ji Serokomar Erdogan hat pirsîn û wî jî pirsê bersivand û wiha dewam kir: "Ha Elî, ha Welî tiştek digûhere? Na. Em baş zanin ku kî, kî ye. Ev her du jî ji xwe yek in û herkes jî dizane ku vana bi çi awayî û li kê derê cirît dikin. Ya esil guherandina tabelayê nîne, di hundir da çi heye ev meseleye. Ji xwe Tirkiye bi îstixbarat û her tiştî va ewan dişopîne. Ez hergav dibêjim em Tirkiye dewleteke qebîle nîne. Nav guherandine. Na, mimkun nîne ku em bi vê bên xapandin. Heval divê hevdu nexapînin."