Cesedê kesekî ku di lehiya Stenbolê da winda bû, hat dîtin

Cesedê kesekî din ê ku di lehiya Stenbolê da winda bû, hat dîtin û bi dîtina cesed va jimara kesên ku di bobelatê da mirin, derket 5an.

Li tevahiya bajêr di 14ê Cotmehê da baran barî û lehî rabû. Xebatên ji bo dîtina kesên ku di ro da çûn, dewam dikin.

Di encama xebata polêsê behrê û firokeya polêsan da li Halîçê cesedê mêrekî hat dîtin.

Li gor tesbîtê cesed aîdê Murat Babajanovê 30 salî û Tirkmenistanî ye.

Bi dîtina cesedê dawî va jimara kesên ku di lehiyê da mirin, derket 5an.

Li herêmê ji bo dîtina 2 kesên din ên winda jî xebat dewam dikin.