Encamên bicihkirinê yên LGSyê eşkere bûn

Wezareta Perwerdehiya Neteweyî encamên bicihkirinê yên di çarçoveya Pergala Derbasbûna Lîseyan (LGS) da li ser malpera "www.meb.gov.tr"yê eşkere kir.

Li gorî daxuyaniya Wezaretê, di navbera 13-27ê Tîrmehê da milyonek û 29 hezar û 595 xwendekaran dibistanên ku bi ezmûna navendî û bi bicihkirina herêmî xwendekaran werdigirin, tercih kirin. Bi vî awayî di bicihkirina yekem da ji sedî 93,56ê xwendekaran li gorî tercîhên xwe hatin bicihkirin.

Ji 198 hezar û 905 kontenjanên ku ji bo dibistanên bi ezmûnê xwendekaran werdigirin hatine vekirin, 190 hezar û 473 jê ji aliyê xwendekaran va hatin tercihkirin û rêjeya bicihkirinê wekî ji sedî 95,76 pêk hat.

Ji sedî 89,84ê xwendekarên ku terciha bicihkirina navendî kirin, ji 5 tercihên xwe yên ewil di yekê da bi cih bûn.

Zêdetirî nîvê xwendekarên ku terciha bicihkirina herêmî kirin jî di terciha xwe ya yekem da bi cih bûn û ji sedî 94,53yê xwendekaran jî ji 3 tercihên xwe yên ewil di yekê da bi cih bûn.