Waliyê Mûşê biryara ku Deşta Şênê da ser Mûşê nirxand

Waliyê Mûşê Îlker Gunduzoz der barê biryara ku herêma Deşta Şênê ya berê li ser Pasûra navçeya Diyarbekirê bû betal kir û da ser Mûşê nirxand û ragihand ku ew yek ji bo kifşkirina îdareya berpirsyar verastkirina sînorekê bû.

Gunduzoz daxuyanî da rojnamegeran û li ser pirsa biryarnameya Serokomariyê ya bi jimara 3677an a ku di 20ê Adara 2021î da weşiya û Herêma Şênê ya li ser Pasûrê bi Mûşê va girê da bersivand û got ku bi wê verastkirinê va sînorê di navbera Diyarbekir û Mûşê da jî guherî.

Di axaftina xwe da Gunduzoz destnîşan kir ku him walîtiya Diyarbekirê û him jî ya Mûşê ji ber guherîna sînor xwedî nêrîna erênî ne û ragihand ku ew biryar ji bo kifşkirina îdareya berpirsyar, verastkirineke sînor bû.