جيهان
ئیسرائیل دەروازەی ڕەفەح-ی بە ڕووی نەخۆش و بریندارانی دانیشتووی غەززە داخست
دەروازەی ڕەفەح لە دیوی فەڵەستینییەوە، لەلایەن سوپای ئیسرائیلەوە بە ڕووی نەخۆش و بریندارانی دانیشتووی کەرتی غەززە، داخرا.
Abdel Ra'ouf D. A. R. Arnaout |
18.03.2025 - نوێکردنەوە : 18.03.2025
Quds
قودس ــ AA
میدیاکانی ئیسرائیل بڵاویان کردەوە کە سوپای ئیسرائیل دەروازەی ڕەفەح-ی لە دیوی فەڵەستینییەوە، بە ڕووی نەخۆش و بریندارانی دانیشتووی کەرتی غەززە، داخستووە.
میدیای فەرمی ئیسرائیل "KAN" بڵاوی کردەوە کە ئیسرائیل کارمەندانی دەروازەی ڕەفەح-ی لە دیوی فەڵەستین ئاگادارکردووەتەوە کە لە بەیانی ئەمڕۆ سێشەممەووە، دەروازەکە داخراوە.
ڕاشیگەیاندووە کە نێردەی یەکێتیی ئەورووپا لە بڕیاری داخستنی دەروازەی ڕەفەح، ئاگادارکراوەتەوە.
باسی لەوەش کرد کە لە ماوەکانی ڕابردوو، دەروازەی ڕەفەح لە چوارچێوەی قۆناغی یەکەمی ڕێککەوتنی ئاگربەست لە غەززە و ئاڵوگۆڕی دیلەکان کرابوویەوە، بەڵام ئێستا دووبارە دەروازەکە دخراوەتەوە.
بەرەبەیانی ئەمڕۆ سێشەممە، سوپای ئیسرائیل دەستدرێژییەکانی بۆ سەر کەرتی غەززە دەست پێ کردەوە، بەوەش ڕێککەوتنی ئاگربەست لە غەززە کۆتایی پێ ھات.
