عێراق

- وەزیری هەرێم بۆ کاروباری پێکهاتەکان ئایدن مەعروف: " یاداشتێکمان ئامادەکردووە کە بۆلایەنی پەیوەنداری دەنێرین لە عێراق و داوامانکردووە ١١ کورسییەکە بگەڕێتەوە".

- چاوەڕوان دەکرێت ئەمڕۆ پێنجشەممە، یەکەم دانیشتنی ئەنجوومەنی پارێزگای کەرکووک ئەنجام بدرێت، بێ ئەوەی پارێزگار، سەرۆکی ئەنجوومەن و جێگرانی ھەڵبژێردرێن.

- بەھۆی بەرزبوونەوەی پلەکانی گەرماوە، سبەی پێنجشەممە وەک پشووی فەرمی لە ھەریەک لە پارێزگاکانی نەینەوا دیوانییە، بەسرە، میسان، موسەننا، زیقار و واست ڕاگەیاندرا.

- ئەنجوومەنی باڵای دادوەریی عێراق: "دادگای تاوانەکانی کەرخ، سزای لەسێدارەدانی بۆ ھاوسەری تاوانباری تیرۆریست ئەبو بەکر بەغدادی، بەتاوانی کارکردن لەگەڵ تیرۆیستانی داعش و دەستبەسەرکردنی ئافرەت و کچانی ئێزدی لە ماڵەکەیدا، دەرکردووە".

- ھاووڵاتی دانیشتووی پارێزگای بەسرە، عەلی سەڵاح: "بەھۆی بەرزبوونەوەی پلەکانی گەرماوە لە ڕووبارەکاندا مەلە دەکەین، بۆ ئەوەی خۆمان فێنک بکەینەوە".